Jastardyń 36 paıyzy jumys berýshiler aldynda áleýmettik jelilerin ashýǵa daıyn
ASTANA. QazAqparat - Jastardyń úshten bir bóligi jumyspen qamtýǵa kepildik úshin ózderiniń áleýmettik jelilerin jumys berýshilerge qoljetimdi etýge daıyn. Bul PwC baıandamasynda habarlandy dep jazady sheteldik BAQ.
Zertteý barasynda kompanııa álem boıynsha 10 myń adam, sondaı-aq HR-departamentterdiń 500 qyzmetkeri arasynda saýalnama júrgizdi.
Belgili bolǵandaı, jastar jumys berýshi taraptyń olardyń áleýmettik jeliler men blog-tuǵyrnamalardaǵy paraqshalardy zertteýine esh qarsy emes kórinedi. Atap aıtqanda, áriptesteri aldynda ózderiniń málimetterin jaıyp salýǵa jastardyń 36 paıyzy ázir eken.
PwC boljamynsha, aldaǵy on jylda jumys berýshilerdiń áleýmettik jelilerdi baqylaý tájirıbesi aıtarlyqtaı jıileı túspek.
2020 jylǵa qaraı jahandyq jumys kúshiniń jartysyn 18-32 jas aralyǵyndaǵy adamdar qamtymaq. Mamandardyń paıymynsha, osy jastaǵy adamdardyń tehnologııa jáne jeke aqparatqa degen qarym-qatynasy jańasha qalyptasqan.
