Jastardy jynystyq qatynas turǵysynan tárbıeleıtin resýrs ashylmaq
Mundaı jobany astanalyq stýdent Balnur Súgirálıeva jastarǵa arnalǵan áleýmettik jobalar baıqaýynda usyndy.
Stýdenttiń jobasy «Jastardyń áleýmettik kásipkerligi» atalymynda úzdik dep tanyldy.
Oǵan bul jobany júzege asyrýǵa 700 myń teńge kóleminde qarjy bólindi.
«Qazaqta ata-anasy balasyna jynystyq qatynas týraly aıtpaıdy. Bul - uıat dep sanalady. Mektepte de ol týraly kóp aıtyla bermeıdi. Sonyń kesirinen jastar kóptegen óreskel qylyqtarǵa baryp jatady. Bizdiń saıt jastardy moraldyq jaǵynan tárbıeleıdi. Ol resýrstardan qazaq jastary ózine qajet aqparattardy ala alady», - dedi B.Súgirálıeva.
Baıqaýǵa ótkizilgen 50 jobanyń ishinde 8 jobanyń júzege asyrylýy úshin qarjy bólindi.
Pavlodar oblysy Baıanaýyl aýylynda turatyn kásipker Álfııa Smaǵulova shalǵaı aýyl turǵyndaryn oqytýǵa múmkindik beretin baǵdarlama usyndy.
Qazylar alqasy bul jobany eń úzdik dep tanyp, 4 mln teńge kóleminde grant bóldi.
«Qala men aýyl oqýshylarynyń arasynda bilim jáne múmkindik dárejesiniń aıyrmashylyǵy jer men kókteı. Biz aýyl balalaryna belgili bir salada, robototehnıka, aǵylshyn tili boıynsha kóbirek bilim bergimiz keledi. Ádistememiz olarǵa mamandyq tańdaýǵa kómek bermek», - dedi Álfııa Smaǵulova.