Jastardy jumyspen qamtý: Almatyda 85 adam qoǵamdyq jumysqa ornalasýǵa nıet bildirdi
«Nurkent» shaǵyn aýdanynda qala halqyn jumyspen qamtý ortalyǵy, «Atameken» UKP jáne mobıldi jumyspen qamtý ortalyǵy birlesip uıymdastyrǵan Jastar resýrstyq ortalyǵy jumys istep jatyr.
18 tamyzdan beri Alataý aýdanynyń Jastar resýrstyq ortalyǵynda mobıldi jyljymaly pýnkt qyzmet etedi, onda jastarǵa jumysqa turýǵa qatysty keńes beriledi.
«Jastar ınnovatsııalyq jáne shyǵarmashylyq áleýetke ıe halyqtyń belsendi toby, alaıda olardyń kásibı qyzmette tájirıbesi jetkiliksiz bolyp jatady. Sol sebepti jumysqa turý, eńbek naryǵynda kásibı turǵyda básekege qabiletin qoldaý jáne damytý máselesi mańyzdy jáne strategııalyq basymdyq», - deıdi Alataý aýdany ákiminiń orynbasary Ásel Bısenbaeva.
Onyń aıtýynsha, bul jerde «Jastar tájirıbesi» baǵdarlamasy mańyzdy orynda. Joǵarǵy oqý oryndaryn bitirgen túlekterdiń alǵan mamandyǵy boıynsha tájirıbeden ótýi úshin jaǵdaı jasalǵan.
Bes kúnde jumysqa ornalasý boıynsha jyljymaly pýnktke 200-den astam adam kelgen. Barlyǵyna túsindirý jumysy júrgizildi. Nátıjesinde 85 adam qoǵamdyq jumysqa ornalasýǵa nıet bildirgen jáne 50-ge jýyǵy «Jastar tájirıbesine» joldama alý úshin Jumyspen qamtý ortalyǵyna jiberildi.
«Jastar praktıkasyna dıplomy bar jasy 29-ǵa deıingi jáne oqý ornyn sońǵy úsh jyl kóleminde bitirgen azamattar qatysa alady. Jas mamandar tájirbıeden óndiriste, memlekettik mekemelerde, qarjylyq qurylymdar da, bilim berý jáne medıtsına uıymdarynda óte alady», – dep tolyqtyrdy Á. Bısenbaeva.
