Jastardy «Workout» sport túrimen aınalysýǵa tartý kerek - BǴM
ASTANA. QazAqparat - Mádenıet jáne sport mınıstrligi jastardy sporttyń «Workout» baǵytyna jappaı tartpaq. Búgin Parlament Senatynda sportty damytý máselelerine arnalǵan Úkimet saǵatynda Mádenıet jáne sport mınıstri Arystanbek Muhamedıuly málim etti.
Eske salaıyq, Úkimet saǵaty «Qazaqstan-2050» strategııasyn júzege asyrý aıasynda buqaralyq sportty zańnamalyq qamtý máselelerine arnalǵan bolatyn.
«Qazir biz jastardy jappaı «Workout» sport baǵytyna tartý máselesin qarastyryp jatyrmyz. Sporttyń bul túri óte yńǵaıly, qoljetimdi, aýlalarda ornalastyryla beredi, ony ornatý úshin burynǵydaı betonmen quıýdyń da qajeti shamaly. Onyń jabdyqtary da arzan turady: 100 myńnan 300 myń teńge aralyǵynda. Biz osy sport jabdyqtarynyń 100 myńǵa jýyǵyn satyp alamyz ba dep otyrmyz. Olardy aýlalarǵa ornalastyrý ońaı», - dedi mınıstr Muhamedıuly.
Onyń aıtýynsha, sporttyń bul baǵyty jastar arasynda asa tanymal bolyp otyr.
«Biz 1-jeltoqsanda, Tuńǵysh Prezıdent kúni qarsańynda «Workout»-tan álem chempıonatyn ótkizýdi josparlap otyrmyz», - dedi mınıstr.
