Jastardy patrıottyǵy men belsendiligi úshin marapattaıtyn uıym belgili boldy

NUR-SULTAN. QazAqparat - 14-29 jas aralyǵyndaǵy jastardy patrıottyǵy men belsendiligi úshin marapattaıtyn uıym anyqtaldy. Bul - Tuńǵysh Prezıdent qory. Ol jóninde Úkimettiń arnaıy qaýlysy shyqty. QazAqparat qaýlynyń tolyq mátinin jarııalaıdy.

Qazaqstan Respýblıkasy Úkimetiniń 2020 jylǵy 24 sáýirdegi №248 Qaýlysy

On tórt jastan jıyrma toǵyz jasqa deıingi balalar men jastardy patrıottyq tanytqany jáne belsendi azamattyq ustanymy úshin erekshelik belgisimen nagradtaý jónindegi is-sharalardy júzege asyratyn uıymdy (ákimshini) aıqyndaý týraly

«Bilim týraly» 2007 jylǵy 27 shildedegi Qazaqstan Respýblıkasynyń Zańy 4-babynyń 5-3) tarmaqshasyn iske asyrý maqsatynda Qazaqstan Respýblıkasynyń Úkimeti QAÝLY ETEDІ:

1. Qazaqstan Respýblıkasy Tuńǵysh Prezıdenti – Elbasynyń qory on tórt jastan jıyrma toǵyz jasqa deıingi balalar men jastardy patrıottyq tanytqany jáne belsendi azamattyq ustanymy úshin erekshelik belgisimen nagradtaý jónindegi is-sharalardy júzege asyratyn uıym (ákimshi) bolyp aıqyndalsyn.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
3. 
   

Qazaqstan Respýblıkasynyń Premer-Mınıstri A. Mamın