Jastardy otbasylyq ómirge daıyndaý boıynsha ádistemelik usynystar daıyndaldy
«Neke jasyna jetken búgingi jastar kóp jaǵdaıda otbasyn qurýǵa umtylmaıdy. Jastardyń kóbi otbasylyq, erli-zaıyptylyq qarym-qatynastar týraly túsinikteri túbegeıli ózgerip, jeńil qaraýǵa kóshken. Nátıjesinde erkin qarym-qatynastar artýy saldarynan tolyq emes otbasylar sanynyń ósýi baıqalady. Sondaı-aq, neke seriktesine qoıylatyn talaptar artqan. Osylaısha búginde otbasy ınstıtýty daǵdarysty bastan keshirip jatyr, ajyrasýlar sany ósip, tirkelgen nekeler azaıyp jatyr», – deıdi ádistemelik nusqaýlyqty qurastyrýshylar.
Usynymdar psıhoseksýaldyq damý jáne reprodýktıvti densaýlyq týraly bilimdi qalyptastyrý, otbasyndaǵy rólderdi bólý týraly ıdeıalar, otbasylyq qatynastar salasyndaǵy memlekettik saıasatty zertteý, Neke jáne otbasy týraly zańnamanyń negizderimen tanysý, adamgershilik qasıetterdi tárbıeleý, tulǵaaralyq qarym-qatynas erekshelikterin zertteý sııaqty aspektilerdi qamtıdy.
Oqý quralynda pikirtalastar, mamandardyń dáris-keńesteri, ózin-ózi dıagnostıkalaý sabaqtary, vıdeo prezentatsııalar, tanymdyq oıyndar jáne taǵy basqa ádistemeler arqyly jastardyń bilimderin arttyrýǵa bolatyndyǵy aıtylǵan.
Mysaly, ádistemelik quradal «Mahabbat pen dostyq týraly ne bilemiz», «10 Men», «Dos izdeımin» jattyǵýlaryn, «Komplıment» oıynyn, «naǵyz» erkek pen áıelge tán qasıetterdi qurastyrýǵa arnalǵan praktıkalyq tapsyrmalardy, «ıdealdy» juptyń portretin jáne jubaıyna qajet qasıetterdi egjeı-tegjeıli sıpattaıdy. Sondaı-aq jattyǵýlar qatarynda I. ıÝndanyń adamnyń otbasylyq ómirge daıyndyǵyn baǵalaý saýalnamasy, «Aısberg – qaqtyǵysta ózimdi qalaı ustaımyn» jattyǵýlary bar.
Sonymen birge, barlyq óńirdegi otbasyn qoldaý qyzmetteriniń baılanys derekteri, otbasy-neke qatynastary salasyndaǵy normatıvtik-quqyqtyq qujattar, sondaı-aq jas otbasylarǵa arnalǵan turǵyn úı qatynastary salasyndaǵy baǵdarlamalar, jeńildikter tizbegi usynylǵan.
Qazirgi qoǵamnyń mańyzdy máseleleriniń biri – otbasy ınstıtýtynyń mańyzdylyǵyn túsiný. Sondyqtan qazirgi jaǵdaıda otbasylyq áleýmettaný jáne jeke tulǵany tárbıeleý qajettiligi týyndady. Óskeleń urpaqtyń áleýmettenýi, bolashaq otbasylardyń ál-aýqaty kóbinese osy aspektini iske asyrý sapasyna baılanysty, – delingen ádistemelik nusqaýlyqta.
