Jastardy memleketke biz ne bere alamyz degen másele tolǵandyrýy kerek - Oksana Dracheva
ALMATY. QazAqparat - Qazaqstandyq jastar óziniń eliniń ósip-órkendeýine, damýyna úles qosýy tıis. Bul pikirdi QazAqparat tilshisine bergen suhbatynda belgili jýrnalıst, Qazaqstan ulttyq arnasynyń tilshisi Oksana Dracheva bildirdi.
«Ókinishke qaraı, jastar únemi «Memleket biz úshin ne istedi?» degen suraqqa jaýap izdeıdi. Bıyl suraq «Biz memleket úshin ne isteı alamyz»? dep qoıylýy kerek. Jastar jyly aıasynda bólingen qarjy jastardy is júzinde qoldaý kerek. ıAǵnı, esh paıdasy joq forým, konferentsııalardy ótkizbeı, otbasy turǵyn úı, jumys degen máseleler sheshilýi qajet. Jyl boıy jastar saıasatyna, problemasyn sheshýge, sharalardyń sıpaty men nátıjelerine kóńil bólsek, osyndaı qarqynmen jastar jylynda birtalaı jetistikterge jetetinimiz sózsiz», - dedi Oksana Dracheva.
Onyń aıtýynsha, qazaqstandyq jastar tek qana memleketke qarap otyrmaı, ózderi de bilim alyp, eliniń ósip-órkendeýine úles qosýy tıis.
Aıta keteıik, búgin Astanada Jastar jylynyń ashylý saltanaty ótti. Atalmysh sharaǵa Elbasy Nursultan Nazarbaev qatysty.
Sondaı-aq sharaǵa Úkimet músheleri, QR Parlamenti depýtattary, jergilikti atqarýshy organ basshylary, QR Prezıdenti janyndaǵy Jastar saıasaty keńesiniń músheleri, «100 jańa esim» baıqaýynyń jeńimpazdary, «Bolashaq» baǵdarlamasynyń túlekteri, jas ǵalymdar qatysýda. Sonymen qatar bul jıynǵa shyǵarmashylyq, stýdenttik jáne jumysshy jastardyń ókilderi, jas sportshylar, daryndy balalar, zamanaýı medıa salasynyń ókilderi, balalar úıiniń tárbıelenýshileri men túlekteri, jas áskerı qyzmetshiler kelgen.
Eske sala ketsek, QR Prezıdenti Nursultan Nazarbaev Qazaqstan halqyna ótken jylǵy Joldaýynda 2019 jyldy Jastar jyly dep jarııalaýdy usynǵan bolatyn.
Prezıdent óz sózinde jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerektigin aıtqan bolatyn Al, arada bir aıdan astam ýaqyt ótkende Elbasy Jarlyǵymen 2019 jyl Jastar jyly dep jarııalandy.
