Jastardy kolledjderde tegin oqytý «Jas talap» jobasy aıasynda jalǵasady – Ashat Aımaǵambetov

NUR-SULTAN. QazAqparat – Kolledjderde oqyǵysy keletin 9-synyp túlekteri naryqqa qajetti tegin oqytýmen tolyq qamtylady. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym mınıstri Ashat Aımaǵambetov málim etti, dep habarlaıdy QazAqaparat tilshisi.

«Jastardy kolledjderde tegin oqytýmen qamtamasyz etý «Jas talap» jobasy aıasynda jalǵasatyn bolady. Kútiletin nátıje – kolledjderde oqyǵysy keletin 9-synyp túlekterin naryqqa qajetti tegin oqytýmen tolyq qamtý», - dedi A. Aımaǵambetov.

Onyń aıtýynsha, 2025 jylǵa deıin memlekettik tapsyrys kezeń-kezeńimen 70 myń orynǵa deıin ulǵaıtylatyn bolady.

«Ár oblys boıynsha qajetti kórsetkishter daıyndaldy. Bastysy, barlyq ákimdikter qajetti qarajattyń tolyǵymen bólinýin qamtamasyz etýi kerek», - dedi mınıstr.

Budan buryn habarlanǵandaı, Bilim mınıstri 1 myń jańa mektepti salý qadamdaryn túsindirdi.