Jastardy baspanamen qamtıtyn "Abaı jastary" baǵdarlamasy iske qosylady

SEMEI. QazAqparat - Aldaǵy jeltoqsan aıynda «Abaı jastary» baǵdarlamasy iske qosylady, dep habarlaıdy QazAqparat.

Abaı oblysy ákimdiginiń málimetinshe, baǵdarlamanyń ákimshisi - «Semeı qalasy ákimdiginiń turǵyn úı ınspektsııasy» MM bólimi. Olar jobany «Otbasy bank»AQ birlesip júzege asyrady.

«Baǵdarlamaǵa 18-35 jas aralyǵyndaǵy jastar qatysa alady. Onyń quramyna túrli salada eńbek etip júrgen jas mamandar men otbasylar kiredi.

Qazirgi ýaqytta halyqty turǵyn úımen qamtamasyz etý jónindegi óńirlik baǵdarlamanyń erejesi ázirlendi. Qatysý sharttary 1 jeltoqsanda Semeı qalasy ákimdiginiń resmı saıtynda jarııalanady», - dep jazdy vedomstvo.

Aıta keteıik, buǵan deıin Qazaqstanda qaı ıpoteka baǵdarlamasy tıimdi ekenin saraptap jazǵan bolatynbyz.