Jastardy áskerı esepke qoıý bastaldy
ASTANA. 15 qańtar. QazAqparat - Elordada 17 jastan asqan jasóspirimderdi shaqyrý ýchaskelerinde bastapqy áskerı esepke qoıý bastaldy.
Bul týraly astana.kz saıtyna Astana qalasy ákimi apparatynyń Ómirdi qamtý jáne ınfraqurylymdy damytý bóliminen habarlady.
«Astanada 14 qańtardan bastap naýryz aıyna deıin Qorǵanys isteri jónindegi departamenti buǵan deıin esepke alynbaǵan 1997 jyly týǵan jáne 17 jastan asqan azamattardy ýchaskelerde áskerı esepke qoıýdy bastady», - delingen habarlamada.
Budan basqa, áskerge shaqyrylatyn azamattardyń áskerı qyzmetke daıyndyq deńgeıin anyqtaýǵa, bilim deńgeıin, mamandyǵyn jáne dene daıarlyǵynyń deńgeıin belgileýge arnalǵan komıssııa ótkiziledi.
Aıta keteıik, qazirgi ýaqytta 4 793 adam, sonyń ishinde Almaty jáne Esil aýdandarynda 2 754, Saryarqa aýdanynda 2039 azamat áskerı esepke qoıylýy tıis.
