Jastardyń Dýbaıdy emes Alataý qalasyn tańdaǵanyn qalaımyz — Jaslan Mádıev
ASTANA. KAZINFORM — Astana halyqaralyq forýmynda Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Alataý qalasyn damytý qaı baǵytta júretinin aıtty.
— Qalany memlekettik bıýdjetke boı kótergen Astana nemese Túrkistan sııaqty salýǵa bolady. Nemese basqa nusqa, Alataý qalasyn ınvestorlar úshin platformaǵa aınaldyrý qajet. Biraq, ol úshin bizge básekege qabiletti orta qajet bolady. Bizde jeke sektor da, ınvestorlar da jumys isteı alatyn orta bolýy tıis. Sonymen qatar Alataý qalasynda salynýy tıis búkil landshaftty da oılastyrǵanymyz jón, — dedi ol.
Mınıstrdiń aıtýynsha, búkil qalaǵa arnalǵan arnaýly ekonomıkalyq aımaq bolýy tıis. Aǵylshyn tili atalǵan qalanyń negizgi bıznes tiline aınalýy qajet. Munan bólek, tipti tenderdiń de valıýtasyna aınalatyn krıptovalıýtany odan ary ilgeriletý kerek.
— Buǵan qosa, sheteldikterge jyljymaıtyn múlikti satyp alýǵa múmkindik bergen jón. Sol arqyly qalany ınstıtýtsıonaldy turǵyda kúsheıte alamyz. Osy ózgeristerdiń bári bolǵanda, jyljý oryn alǵanda atalǵan qalanyń damýyna serpin beremiz. Bul rette ony týrızmniń de, bilimniń de torabyna aınaldyramyz. Úlken kúrdeli qarjysy bar qalaǵa aınaldyrýǵa tyrysý kerek. Sonymen qatar búkil saýda Alataý qalasynyń arqasynda júredi dep úmittenemiz. Tipti, Dýbaı syndy qalada nemese Túrkııada turǵysy keletin jastardyń Dýbaıdy emes Alataýdy tańdaǵanyn qalaımyz, — dedi Jaslan Mádıev.
Aıta keteıik, elordada Astana halyqaralyq forýmy ótip jatyr. Forýmǵa 7 000-nan astam qatysýshy tirkelgen. Eýropa, Ortalyq Azııa, Taıaý Shyǵys pen Afrıka elinen BUU, AAU, HKU jáne DZMU sııaqty jetekshi halyqaralyq uıymdardyń atynan 160-tan astam spıker shaqyrylǵan.
Іs-sharany ashqan Qasym-Jomart Toqaev elimiz SryptoCity dep atalatyn jańa pılottyq jobany júzege asyrýdy josparlap otyrǵanyn, Qazaqstan BUU Qaýipsizdik Keńesiniń quramyn keńeıtýdi qoldaıtynyn aıtty.