Jastar jylynyń jabylýyna oraı birqatar shara ótedi

NUR-SULTAN. QazAqparat – 9-12 jeltoqsan aralyǵynda Jastar jylynyń jabylýy men Volonterler jylynyń bastalýyna arnalǵan birqatar is-shara josparlanǵan, dep habarlaıdy QazAqparat.

QHA «Jastar sınergııasy» forýmy, Qazaqstan Respýblıkasy Prezıdentiniń janyndaǵy Jastar saıasaty jónindegi keńestiń otyrysy, «Daryn» memlekettik jastar syılyǵyn tabystaý, Qazaqstandaǵy KVN-niń 20 jyldyǵyna oraılanǵan Respýblıkalyq «Jaıdarman» konkýrsynyń fınaly, halyqaralyq eriktiler forýmy, ÚEU arasynda marapattardy jáne metsenattar arasynda «Jomart júrek» syılyǵyn tabystaý rásimi.

Basty is-shara el basshylyǵynyń qatysýymen Jastar jylynyń jabylý jáne volonter jylynyń ashylý saltanaty bolady. Rásim EKSPO pavılondarynyń birinde ótedi. Onda 2 kórme aımaǵy uıymdastyrylady: Jastar jyly aıasynda júzege asyrylǵan «Jobalar aýmaǵy» jáne Volonterler jylynyń tusaýkeser-kórmesi.

Pavılonnyń basty sahnasynda - «TED Jastar» forýmynda - el basshylyǵymen beıresmı kezdesý uıymdastyrylyp, Jastar jylynyń nátıjeleri týraly tabysqa jetken jas býyn ókilderi baıandaıtyn bolady.