Jastar jyly Jarqaıyń aýdanynda úsh joba júzege asyrylady - Aqmola oblysy

KÓKShETAÝ. QazAqparat - Jastar jyly Aqmola oblysynyń Jarqaıyń aýdanynda úsh joba júzege asyrylady, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Vedomstvonyń deregi boıynsha, aýdanda Jastar jyly aýyl jastarynyń jumyspen jáne bos ýaqytyn ótkizetin mádenıe sharalarmen qamtylýyna basymdyq berilip otyr. Bul máselelerdi sheshýge jergilikti bıznes qaýymdastyq ókilderi qolushyn sozýda.

«Bıyl Lvovskoe aýylynda mádenıet úıin qalpyna keltirý jumystaryn aıaqtaý josparlanǵan. Bul jumystarǵa aýdandyq máslıhattyń depýtaty Alekseı Pýgachev qarjy bólip otyr. Al, Otradnoe aýylynda «SHP «Otradnyı» JShS dırektory Qasym Qojabekov kópbeıindi qazirgi zamanǵy sport keshenin salýda. Sondaı-aq, Kostychev aýylynda angar tıpti sport zalynyń qurylysy júrgizilýde. Bul ıgi iske Aqmola oblystyq máslıhatynyń depýtaty Vıtalıı Kamyshanskıı qarjylaı qoldaý bildirgen.

Atalmysh nysandardyń barlyǵy Jastar jyly aýdan jastar úshin jaqsy syılyq bolady», deıdi vedomstvodan.