Jastar jyly: Výnderkınd Abzal Myrzash kompıýterlik tehnıkalar jasaıtyn kásiporyn ashpaqshy
«Men de elimizdiń shynaıy patrıoty retinde Qazaqstannyń aldyńǵy qatarly ozyq tehnologııasy bar, ǵylymy men ekonomıkasy damyǵan órkenıetti 30 eldiń qatarynda bolýyna óz úlesimdi qosqym keledi. Sondyqtan aldaǵy ýaqytta Qazaq-Brıtan tehnıkalyq ýnıversıtetin bitirgen soń, AQSh-taǵy Massachýsets tehnologııa ınstıtýtynyń magıstratýrasynda jáne doktorantýrasynda oqýdy jalǵastyryp, aqparattyq tehnologııamen birge, nanotehnologııany meńgerip, Qazaqstannyń ǵylymyna óz úlesimdi qosamyn degen úlken maqsatym bar», - dedi Abzal Myrzash.
Sonymen qatar ol elimizde kompıýterlik tehnıkany jáne ony jabdyqtaıtyn quraldardy, robototehnıkany, nanorobottardy jasaıtyn úlken kásiporyn ashýǵa nıetti ekenin aıtty.
«Qurmetti Nursultan Ábishuly! Siz únemi latyn qarpine kóshý týraly aıtyp kelesiz. Óıkeni latyn álipbıine kóshý - ІT-tehnologııalyq progresten qalys qalmaýǵa, eń bastysy, qazaq tilin jańǵyrtýǵa jaǵdaı týǵyzady. Sondyqtan usynatyn eki jobam bar. Birinshi jobamda kompıýterdiń pernetaqtasyna yńǵaılap «Abzal alfavıt» dep atalatyn qazaq-latyn álipbıin jasadym. Osy nusqama avtorlyq kýálik aldym. Meniń bul nusqam arqyly álemniń kez kelgen jerinen kompıýterdiń standartty aǵylshyn pernetaqtasyn paıdalanyp, qazaqsha jazýǵa bolady», - dedi A. Myrzash.
Onyń sózine qaraǵanda, ekinshi jobada kırıllıtsadan latyn qarpine aýdaratyn konverter baǵdarlama jasaldy.
«Qazir meniń konverter baǵdarlamam arqyly kırıllıtsadan latyn grafıkasyndaǵy qazaq qarpine 1 mınýtta 1 200-den astam kitap aýdarýǵa bolady», - dedi výnderkınd.
Budan buryn habarlanǵandaı, Qazaqstandaǵy eń jas stýdent Abzal Myrzash Qazaq-Brıtan tehnıkalyq ýnıversıtetinde bilim alyp jatyr.
Oqý ornynyń basshylyǵy, bazalyq fakýltet dekanaty, aqparattyq tehnologııalar dekanaty jas stýdentti jiti baqylaýǵa alǵan.
