Jastar jyly: Sýretshi Nazerke Kemelbaevanyń Túrkııa taqyrybynda alǵashqy kórmesi ótedi
ASTANA. QazAqparat - ıÝnýs Emre atyndaǵy túrik mádenı ortalyǵy Elbasy Nursultan Nazarbaevtyń 2019 jyldy «Jastar jyly» dep jarııalaýyna baılanysty talantty jastarǵa qoldaý kórsetý maqsatynda óz is-sharalaryn bastady. Osyǵan oraı, Ortalyq jas sýretshi, Qazaq ulttyq óner ýnıversıtetiniń 5 kýrs stýdenti Nazerke Kemelbaevanyń «Qazaqstandyqtar kózimen Túrkııa» atty jeke kórmesin ótkizedi. Jas sýretshiniń kórmesi 2019 jyldyń 14 naýryzynda Astanadaǵy Han Shatyr ortalyǵynda ótedi.
Nazerke Kemelbaeva 1996 jyly 19 qańtarda Jezqazǵan qalasynda dúnıege kelgen. Mektepti Astana qalasyndaǵy № 66 qazaq lıtseıinde bitirip, qazirgi tańda Qazaq Ulttyq óner ýnıversıteti stsenografııa fakýltetiniń 5 kýrsynda oqıdy.
«Bizdiń úıdegi basty ıdeologııa - kitap kýlti jáne ádebıet álemi. Anamnyń úıde úlken jeke kitaphanasy bar. Meniń anam Aıgúl Kemelbaeva jazýshy, kınodramatýrg, esseshi, 5 kitaptyń avtory, «Daryn» Memlekettik jastar syılyǵynyń laýreaty. Úıde apaıym Balnur ekeýmiz kishkentaıymyzdan anam oqyp beretin ertegi kitaptardyń mazmunyn jatqa bilip óstik. Illıýstratsııalarǵa qyzyǵyp óstim, shımaılap sala beretin balalyq sýretterimdi anam saqtap qoıypty. Meniń sýret ónerin tańdaýyma úıdegi shyǵarmashylyq atmosfera aıryqsha áser etti. Túrik rýhanııatyna qyzyǵýshylyǵym teleserıaldardan, kıno áleminen bastaldy. Sheber túsirilgen tarıhı fılmderdegi kórikti akterler, kórkem mýzyka, tamasha kostıýmder, dızaın men mentalıtet túgel unaıdy», - deıdi Nazerke Kemelbaeva.
Ol túrik mádenıeti men ónerine qatty qyzyǵady. Astanadaǵy ıÝnýs Emre ınstıtýtynda túrikshe úırengenin aıtady. Sonda júrip Kappadokııanyń Peri murjalary men Ystanbuldaǵy Sultan Ahmet meshitiniń sýretin kásibı túrli-tústi Faber-Castell qaryndashtarymen grafıka tehnıkasynda sala bastaǵan. Keıinnen bul qyzyǵýshylyq Túrkııaǵa qatysty sýretter serııasyna ulasyp, tamasha shyǵarmashylyq úrdiske aınalǵan.
Nazerke keleshekte myqty ıllıýstrator bolýdy armandaıdy. Sondyqtan Túrkııada magıstratýrada oqý úshin ótinish bergen eken.
Han shatyr ortalyǵynda ótetin kórmege jas sýretshiniń grafıka tásilimen salynǵan Túrkııa taqyrybyna arnalǵan 40 sýreti usynylyp otyr. Olardyń arasynda Konıa qalasyndaǵy Mevlana kesenesi, Adyıamandaǵy Nemrýt taýy jáne eskertkishteri, Ystanbuldaǵy álemge tanymal Aııa Sofııa murajaıy men Qyz munarasy, Rýmelı Hısar bekinisi, Izmırdegi Caǵat munarasy, Ýrfadaǵy Balykly gól, Aıdyndaǵy Afrodısııa ejelgi qalasy, Trabzondaǵy Ýzýngól, Nevshehırdegi Kappadokııa t.b bar.
