Jastar jyly kásipkerlerge jańa múmkindik beredi - Asqar Saǵıtjan

AQTAÝ. QazAqparat - Ózim kásipker retinde Elbasynyń Jastar jylyndaǵy bastamalaryn qoldaımyn. Bul týraly jas kásipker Asqar Saǵıtjan QazAqparat tilshisine aıtyp berdi.

Elbasynyń qatysýymen ótken otyrysta túrli salada úzdik atanǵan jastardyń jetistigi mańǵystaýlyq belsendilerge jańa motıvatsııa berdi. Ásirese, jastarǵa eń qajet salalarǵa kóńil bólinetini olardy qýantyp otyr. Asqar Saǵıtjan da solardyń qatarynda.

Ol jastar jyly - Qazaqstan úshin biregeı jáne keń aýqymdy oqıǵa dep sanaıdy.

«Ózim Elbasynyń jastar kásipkerligin qoldaý baǵytynda qor ashyp, sol jastardyń jańa startaptaryn qoldaýǵa baǵyttalǵan qarjylandyrý kólemin arttyrý, jańa memlekettik baǵdarlamalardy ázirleý bastamalaryn qoldaımyn. Sonymen qatar, «Dıplommen aýylǵa» baǵdarlamasynda 70 AEK buryn kómek retinde berilse, endi ony 100 AEK deıin kóterýdi maqsat etip otyr. Bul da jastarǵa zor múmkindik»,-deıdi Asqar Saǵıtjan.