Jastar jyly ǵalymdarǵa úlken múmkindik berip otyr - jas ǵalym
Onyń aıtýynsha, qazirgi tańda kóptegen jobalarmen aınalysyp júrgen belsendi jastar jeterlik.
«Jastar jylynyń ashylýynda Elbasymyz jastarǵa qatysty kóp mán-jaıdy atap ótti. Jas ǵalymdarǵa izdenis jumystary úshin memleketten qoldaý kórsetilip, 3 mlrd teńge bólinetini qatty qýantty. Ol - biz úshin jańa múmkindik», - deıdi ol.
Qazirgi tańda Shuǵyla zertteý jumystaryn júrgizip, aldyna úlken maqsat qoıyp otyr.
«Jas ǵalym retinde qazir Balhash mys keni aımaǵy boıynsha zertteý júrgizip jatyrmyn, endi alda AQSh-taǵy Mıchıgan tehnıkalyq ýnıversıtetinde taǵylymdamadan ótsem degen oıym bar. Ázirshe alǵysharttaryn jasap qoıdyq. Ol ýnıversıtet atynan memlekettiń qoldaýymen júrgiziledi», - deıdi jas ǵalym Shuǵyla Bórlibaeva.
Óziniń aıtýynsha, ol tek zertteý jumystarymen ǵana shektelmeı, áleýmettik salada da jastarmen, eriktilermen, stýdenttermen kóp kezdesý ótkizip, ózge de jobalarmen aınalysady.
Eske salaıyq, 23 qańtar kúni Astanada Nursultan Nazarbaevtyń qatysýymen Jastar jylynyń saltanatty ashylý rásimi ótti. Sharaǵa Úkimet músheleri, QR Parlamenti depýtattary, jergilikti atqarýshy organ basshylary, QR Prezıdenti janyndaǵy Jastar saıasaty keńesiniń músheleri, «100 jańa esim» baıqaýynyń jeńimpazdary, «Bolashaq» baǵdarlamasynyń túlekteri, jas ǵalymdar qatysty.
Aıta ketsek, Prezıdent Qazaqstan halqyna ótken jylǵy Joldaýynda 2019 jyldy Jastar jyly dep jarııalaýdy usynǵan bolatyn. Arada bir aıdan astam ýaqyt ótkennen keıin Elbasy Jarlyǵymen 2019 jyl Jastar jyly bolyp resmı túrde jarııalandy.
Elaman Turysbekov
