Jastar jyly: BQO-daǵy stýdent ortalyǵynda 35 qyzmet túri kórsetiledi
Buryn stýdentter anyqtama alý úshin birneshe kabınetti jaǵalap júretin bolsa, endi osynda kelip, «bir tereze» qaǵıdatymen bárin de ýaqytynda ala alady.
Ýnıversıtettiń akademııalyq máseleler jónindegi basqarma basshysy Janna Qubashevanyń aıtýynsha, JOO rektory Asqar Námetovtiń bastamasymen ashylǵan ortalyqta 35 qyzmet túri kórsetiledi. Eń bastysy, munda jumys sapaly ári jyldam atqarylady.
Alty bólimnen turatyn ortalyq ýnıversıtettiń barlyq fakýltetterin qamtıdy. Ortalyq jumys jasaǵannan beri 1500 anyqtama, 500-den astam transkrıpt berildi.
«Stýdentter oqý semestriniń basynda jáne aıaǵynda kóbirek keledi. Aıtalyq, kredıttik tehnologııa boıynsha bilim alý úshin oqý semestriniń basynda pánderge tirkelý kerek. Sonymen qatar basqa mamandyqqa nemese ózge oqý ornyna aýysý úshin de transkrıpt alarda esh qınalmaıdy. ıAǵnı kez kelgen anyqtamaǵa ýaqtyly qol jetkizedi. Osynda býhgalter de jumys jasaıtyndyqtan, tólemaqylardy tez tóleı alady. Túrli shákirtaqy baǵdarlamalaryna qatysýǵa ótinish jazyp kete alady. Stýdentterdiń óndiristik mashyqtan ótýin de uıymdastyramyz. Mysaly, «QPO b.v.» kompanııasyna óndiristik tájirıbeden óterdiń aldynda osynda kelip, eki-úsh mınýttyń ishinde ótinish alady. Sol sekildi anyqtama berý de óziniń ereksheligine qaraı 2-3 kúnnen aspaıdy», dedi QazAqparat tilshisine J.Qubasheva.
Stýdentterge qyzmet kórsetý ortalyǵynyń ózderine yńǵaıly ekendigin osynda kelgen jastar da atap ótti. Ekonomıka jáne bıznes fakýltetiniń 1-kýrs stýdenti Qydyrbek Qýanǵalıev syrttaı oqýǵa aýysý úshin anyqtama alýǵa kelgendigin bildirdi. Al veterınarlyq medıtsına jáne bıotehnologııa fakýltetiniń 4-kýrs stýdenti Berman Isaev burynǵydaı kabınet izdep, ýaqyt joǵaltpaıtynyn, bárin bir jerden alýǵa múmkindik jasalǵanyn jetkizdi.
Eske sala keteıik, budan buryn atalmysh ýnıversıtette «Tsıfrlyq Qazaqstan» memlekettik baǵdarlamasy aıasynda stýdentterge qyzmet kórsetý ortalyǵy ashylǵanyn jazǵan bolatynbyz. Aıta keteıik, Memleket basshysy Nursultan Nazarbaevtyń Joldaýynda «Tsıfrlyq Qazaqstan» baǵdarlamasyna erekshe mán berilgen bolatyn.
