Jastar jyly: Atyraýda «Atyrau Marathone - 2019» keń kólemdi sporttyq sharasy ótedi
Atyraý qalasy ákiminiń baspasóz qyzmetiniń habarlaýynsha, 14 sáýir kúni «Atyrau Marathon - 2019» jyl saıynǵy qaıyrymdylyq júgirý marafony ótedi. Shara Atyraý oblystyq jeńil atletıka federatsııasynyń, dene shynyqtyrý jáne sport basqarmasynyń, qalalyq dene shynyqtyrý jáne sport bóliminiń jáne «Infinity» fıtnes ortalyǵynyń qoldaýymen ótedi.
Uıymdastyrýshylar jappaı júgirý jarysy qatysýshylaryna tańdaý úshin bes qashyqtyqty daıyndady. Jeńimpazdar 76 nomınatsııa boıynsha marapattalady. Júlde qory 5 mıllıon teńgeni quraıdy.
Aıta ketý kerek, «Atyrau Marathon - 2019» QR Tuńǵysh prezıdenti jarııalaǵan Jastar jylynyń aıasynda ótedi. Ártúrli qashyqtyqtaǵy júgirý jarysyna qala jáne oblys jastary qatysady.
«Jastar saıasatyn damytý - qoǵam men memlekettiń basym baǵyttarynyń biri bolyp tabylady. Bizdiń eldiń bolashaǵy jastardyń qolynda, biraz jyl ótkennen keıin qandaı elde turatynymyz solarǵa baılanysty. Ómirdiń barlyq salalarynda joǵary nátıjelerge jetý úshin salaýatty ómir salty men sportty saqtaý qajet. Sondyqtan biz qalanyń jáne oblystyń jastaryn aldaǵy marafonǵa belsendi qatysýǵa shaqyramyz»,- deıdi jastar saıasaty máseleleri basqarmasynyń basshysy Rollan Quspan.
Marafon qatysýshysy bolý úshin mindetti túrde www.atyraumarathon.kz saıtyna tirkelip nemese Qurmanǵazy kóshesi 12 meken-jaıyndaǵy «INFINITY FITNESS» ortalyǵyna baryp, 42, 21,10, 3 jáne 1, 2 (balalarǵa arnalǵan qashyqtyq) qashyqtyqtarynyń birin tańdaý qajet.
«Alǵashqy eń uzaq qashyqtyqtarǵa qatysý úshin qatysýshylar mindetti túrde qarjylaı salym salady. Barlyq túsken qarajat qaıyrymdylyq maqsatta qaladaǵy áleýmettik jáne bilim berý ortalyqtary - mektep-ınternattarǵa sport quraldaryn satyp alýǵa jumsalady. 3 jáne 1,2 shaqyrymǵa júgirý tegin», - deıdi «Atyrau Marathon - 2019» uıymdastyrý komıtetiniń vıtse-prezıdenti ıÝrıı Ponomarev.
Aıta keteıik, marafonnyń barlyq qatysýshylaryna apta saıyn jattyǵýlar uıymdastyrylady. Jınalý seısenbi jáne beısenbi kúnderi saǵat 19.30-da Sultan Beıbarys eskertkishi janynda, al jeksenbi kúni 8.00-de «Munaıshy» stadıonynda.
«Atyrau Marathon -2019» qaıyrymdylyq marafony 14 sáýir kúni ótedi, jarystyń bastalý aımaǵy men máre syzyǵy Sultan Beıbarys alańy bolyp bekitildi.
