Jastar jasandy ıntellekt jobalaryna erekshe mán berýi kerek - Meıram Jardaev
ASTANA. KAZINFORM – SmarTestPrep jobasynyń negizin qalaýshylardyń biri Meıram Jardaev Kazinform agenttiginiń BIZDIÑ ORTA podkasynda startap úshin eń tıimdi baǵyttardy atady.
- Startap kem degende 10 jylǵa eseptelýi kerek, ıaǵnı bir kompanııanyń jaqsy nátıjesin kórsetýge kem degende 10 jyl qajet. Sondyqtan osyǵan daıyn bolýy kerek. Ekinshiden, trend salalarǵa nazar aýdarý myńyzdy. Ýaqytsha trendter kóp kezdesedi. Atap aıtqanda, jasandy ıntellekt ýaqytsha trend emes, bul baǵyt bolashaqqa áser etedi. Bul turǵyda, ár adam jasandy ıntellektini ıgerýge, paıdalanýǵa nazar aýdarýy tıis dep oılaımyn, - dedi M.Jardaev.
Osy oraıda ol keıingi 2-3 jylda bul salaǵa erekshe nazar aýdarylyp kele jatqanyn eske saldy.
- Bul jasandy ıntellekt salasy basqa da baǵyttardy qarqyndy túrde alǵa ilgeriletip jatyr. Osyny eskere otyryp, qazir jan-jaqtan bul salaǵa kapıtal tartylyp jatyr. Jastar IT salada maman bolýdy josparlasa, onda jasandy ıntellekt baǵytyndaǵy jobalarmen aınalysýy kerek dep keńes berer edim, - dedi sarapshy.
Eske salsaq, bıyl mamyr aıynda Parlament Májilisi «Jasandy ıntellekt týraly» negizgi zań men eki ilespe zańnyń jobasyn birinshi oqylymda maquldady.