«Jastar jalyny - 2015» festıvaliniń jeńimpazdary tanymal ánshilermen birge óner kórsetedi
ASTANA. QazAqparat - Búgin, 16 naýryz kúni Astanada «Jastar jalyny - 2015» festıvaliniń gala kontserti ótedi, dep habarlady Astana qalasy ákimdiginiń baspasóz qyzmetinen.
Eske sala keteıik, «Jastar» saraıynda Astana qalasynyń Jastar saıasaty máseleleri basqarmasynyń bastamasymen dástúrli «Jastar jalyny - 2015» festıvaliniń konkýrstyq týrlary ótti. Bıylǵy «Jastar jalyny-2015» festıvali Qazaqstan halqy assambleıasynyń 20 jyldyǵy, Qazaq handyǵynyń 550 jyldyǵy, Uly Jeńistiń 70 jyldyǵy aıasynda shyǵarmashyl jastardy biriktirip otyr. 11 naýryzda «Estradalyq jáne halyq ánderi» jáne «Halyq bıleri» nomınatsııalary, «Astana júregimde!» taqyrybynda «Poezııa» nomınatsııasy, «Astana kelisim jáne beıbitshilik qalasy!» taqyrybynda «Úzdik blogger» nomınatsııasy boıynsha 9 komandalar ózara saıysqa tústi. 12 naýryzda «Jeńisti jaqyndatqan kún» taqyrybynda «Úzdik stýdenttik teatr» nomınatsııasy, «Bes jarym ǵasyr jyrlaıdy» taqyrybynda «Aıtys», «Stýdenttiń bir kúndik ómiri» taqyrybynda «Úzdik beınerolık» nomınatsııasy jáne «Úzdik selfı», «Kórkemsýret» nomınatsııalary boıynsha jáne 9 komanda jarysqa tústi. «Jastar jalyny - 2015» festıvaliniń qorytyndy gala-kontserti 16 naýryzda «Jastar» saraıynda ótedi. Festıval jeńimpazdary Aıgúl Imanbaeva, ORDA toby, Marjan Arapbaeva syndy estrada juldyzdarymen birge óner kórsetedi.
