Jastar jalǵan aqparatty jıi taratady - Jandos Ómirálıev

ASTANA. KAZINFORM – Jastar kóbine jalǵan aqparatty áleýmettik jelide bilmestikpen taratyp jatady. Bul jóninde Kazinform agenttiginiń BIZDIÑ ORTA podkastynda QR Bas Prokýrorynyń orynbasary Jandos Ómirálıev aıtty.

– Jastar, kóbinese, bilmestikpen áleýmettik jelilerde jalǵan aqparat taratyp jatady. Bul – zańmen jazalanatyn áreket. Ákimshilik quqyqbuzýshylyq týraly kodekste jalǵan aqparat taratý úshin aıyppul salý nemese ákimshilik qamaýǵa alý qarastyrylǵan. Eger mundaı aqparat aýyr saldarǵa ákelse nemese azamattardyń quqyqtaryna eleýli zııan keltirse, onda bul úshin qylmystyq jaýapkershilik kózdelgen. Ol úshin 7 jylǵa deıin bas bostandyǵynan aıyrý jazasy qarastyrylǵan, – dedi J. Ómirálıev.

Onyń aıtýynsha, arandatý maqsatynda aqparat taratqandarǵa da jaza qarastyrylǵan.

– Mundaı aqparatty prokýratýra da, Aqparat mınıstrligi de baqylap otyrady. Sondyqtan men aqparattyq mádenıetti kóterýge shaqyramyn. Ásirese, jastar bul máselege muqııat qaraýy tıis. Olar keıde jalǵan aqparatty óz paraqshalarynda jarııalap jiberýi múmkin. Bul úshin jaýapkershilik bar, – dedi ol.

Eske salsaq, burynǵy Qorǵanys mınıstri Rýslan Jaqsylyqovty qamaýǵa aldy dep habarlaǵandardyń ústinen qylmystyq is qozǵaldy.