Jastar uıymdary prezıdenttik saılaýdyń qorytyndysyna qoldaý bildiretindikterin málimdedi

ASTANA. 5 sáýir. QazAqparat - "Biz, Qazaqstan Jastar kongresi, Stýdentter Alıansy, «Jasyl el» respýblıkalyq shtaby, Jumysshy jastar odaǵy men Aýyl jastary Odaǵynyń ókilderi Qazaqstan Respýblıkasy prezıdentiniń kezekten tys saılaýy qorytyndysyna qoldaý bildiretindigimizdi málimdeımiz.

2011 jyldyń 3 sáýiri kúni júz myńdaǵan qazaq jastary Memleket basshysy N.Nazarbaevqa óz daýystaryn berdi", - delingen Qazaqstannyń jastar uıymdarynyń taratqa málimdemesinde.

Málimdeme mátininde aıtylǵandaı, Elbasy, Qazaqstannyń Tuńǵysh Prezıdenti N.Nazarbaevtyń memlekettilikti odan ári nyǵaıtý, qarqyndy áleýmettik-ekonomıkalyq reformalardy ótkizý men Qazaqstannyń álemdik arenadaǵy bedelin kúsheıtý týraly bastamalary el jastarynyń arasynda da qoldaýǵa ıe bolyp keledi.

"Qoǵamda bolyp jatqan úrdisterdiń jaýapkershiligin sezine otyryp, el jastary óz tańdaýyn jasady.Biz turaqty, birligi myqty jáne gúldengen Qazaqstanǵa daýys beremiz! Elbasymen birge, alǵa!", - delingen málimdemede.