Jastar úndeýdi nasıhattady - Qyzylorda

      QYZYLORDA. QazAqparat - «Nur Otan» partııasy Qyzylorda oblystyq fılıaly janyndaǵy «Jas Otan» Jastar qanatynyń uıymdastyrýymen Elbasy úndeýin nasıhattaý maqsatynda túrli sala mamandary men jastardyń kezdesýi ótti, dep habarlady QazAqparat HAA tilshisi.

  Qorqyt Ata atyndaǵy Qyzylorda memlekettik ýnıversıtetiniń «Stýdentter saraıynda» ótken jıynǵa «Nur Otan» partııasy QOF Saıası jumystar bóliminiń meńgerýshisi Altynbek Jarylqasynov, oblystyq jastar saıasaty máseleleri basqarmasynyń basshysy Erkebulan Meńlibaev, oblystyq bilim basqarmasynyń bólim basshysy Bekjan Esenbaev, oblystyq jumyspen qamtýdy úılestirý jáne áleýmettik baǵdarlamalar basqarmasynyń «halyqty jumyspen qamtý» bóliminiń basshysy Janar Dáýletbaeva, «Atameken» UKP QOF bólim basshysy Jasulan Serikov pen birqatar qala mektepteriniń dırektorlary qatysty. Erkin formatta ótken shara barysynda jıylǵandar aldymen el Prezıdetiniń úndeýin jan-jaqty talqylady

  Sondaı-aq kezdesý barysynda óńirdegi jastar saıasatynyń júzege asyrylýy, UBT-nyń jańa formaty ári tegin kásiptik bilim berý, jastardyń jumyspen qamtylýy, jastar úshin jańa bıznes kózderi men jeńildikteri sekildi túrli sala mamandary keńester berip, jastardyń suraqtaryna jan-jaqty jaýap berdi.