Jastar ulttyq qundylyqtarmen «EtnoLager» aıasynda tanysty
ASTANA. KAZINFORM — Qatysýshylar ulttyq taǵamdar ázirlep, baýyrsaq pisirý men samaýrynǵa shaı qoıýdyń ádis-tásilderin úırendi. Sonymen qatar qazaqtyń qonaq kútý ádebi týraly jaqynyraq tanysty.
Aqmola oblysynda tarıh jáne mádenıet salasyndaǵy volonterlikti damytýǵa baǵyttalǵan MADENIETTI MURA jobasy aıasynda shaǵyn granttar baıqaýynda úzdik dep tanylǵan «EtnoLager» jobasy júzege asyryldy.
Joba jastardyń Qazaqstannyń tarıhı-mádenı murasyna qyzyǵýshylyǵyn arttyrýǵa, ulttyq qundylyqtardy dáripteýge jáne óskeleń urpaqty mádenı murany saqtaýǵa baǵyttalǵan volonterlik bastamalarǵa tartýdy kózdeıdi.
Baǵdarlama aıasynda tanymdyq sabaqtar men trenıngter, ulttyq oıyndar uıymdastyrylyp, qatysýshylar kórme men kıiz úı jasaıtyn sheberhanany aralady. Jastar ulttyq qolónerdiń erekshelikteri men etnovolonterlerdiń qyzmeti týraly málimet alyp, sheberlik sabaǵynda tájirıbe jınaqtady.
Baǵdarlama etnokezdesýmen qorytyndylandy. Qatysýshylar ulttyq taǵamdar ázirlep, baýyrsaq pisirý men samaýrynǵa shaı qoıýdyń ádis-tásilderin úırendi. Sonymen qatar qazaqtyń qonaq kútý ádebi týraly jaqynyraq tanysty.
«EtnoLager» jastarǵa ulttyq qundylyqtardy jaqynnan tanytyp, tarıhı-mádenı murany qasterleý men saqtaýdyń mańyzyn uǵyndyrýǵa baǵyttaldy.
Aıta ketelik Astanada alǵash ret Volonterler saıabaǵy ashylatyny týraly jazǵan edik.
