Jastar teatry J.Soltıevanyń «Saǵym qýǵandar» atty mıstıkasyn kórermen nazaryna usynbaq

ASTANA. 24 qarasha. QazAqparat - Ǵ.Músirepov atyndaǵy Qazaq memlekettik akademııalyq balalar men jasóspirimder teatry 28-29 qarashada Jumagúl Soltıevanyń «Saǵym qýǵandar» atty mıstıkasyn kórermender nazaryna usynbaq, dep habarlady QR Mádenıet jáne aqparat mınıstrliginiń baspasóz qyzmetinen.

Adamdy saıtan túrtpesin... Adamnyń ishin jaılaǵan ibilisten saqtasyn!... Qorqaýlyq, ashqaraqtyq, toıymsyzdyq, dúnıeqońyzdyq - jan balasyn jarǵa aparyp jyǵar jaǵymsyz qasıetter. «Saǵym qýǵandar» qoıylymy - jastarǵa sabaq bolatyn, sanaly urpaq tárbıeleýde ǵıbraty bar sahnalyq jańa týyndy.
Qoıýshy-rejısseri - Qazaqstannyń eńbek sińirgen qaıratkeri, Halyqaralyq teatr festıvalderiniń eki márte laýreaty, «Altyn qanatty adam» syılyǵynyń laýreaty Baltabaı Seıitmamytuly.