Jastar teatry «Shyǵys hıkaıasyn» sahnaǵa shyǵarady - Almaty
ALMATY. 1 maýsym. QazAqparat - Almatydaǵy Ǵ.Músirepov atyndaǵy Qazaq memlekettik akademııalyq balalar men jasóspirimder teatrynda 29-31 mamyr kúnderi «Shyǵys hıkaıasy» mýzykalyq komedııasynyń tusaýkeseri boldy.
Qoıylymnyń avtory, qoıýshy rejısseri jáne mýzykamen kórkemdeýshisi - Qazaqstannyń halyq ártisi Talǵat Temenov. Al qoıýshy sýretshisi - Sofııa Tasmaǵambetova, baletmeısteri Máskeýdegi «Jańa opera» teatrynyń baletmeısteri Ivan Fadeev.
Basty rólderdi Maqsat Sábıtov (Sultan), Gúlbahram Baıbosynova (Patshaıym), Esjan Hamıdýllın (Hanzada), Darhan Súleımenov (Ǵabıden), Aıda Jantileýova (Aqqý qyz) jáne taǵy basqalar somdady. Qoıylym sıýjeti shyǵys ertegilerinen alynǵan. Shyǵarmaǵa ishtarlyq, jaǵympazdyq, paıdakúnemdik sııaqty keleńsiz jaǵdaılar men ómirge qushtarlyq, adamgershilik, izgi mahabbat tárizdi adamı qasıetter arqaý bolǵan.
