Jastar tarıhty bilmeı, bolashaqty qalyptastyra almaıdy - depýtat
Almaty máslıhatynyń depýtaty Artýr Kotenev Memleket basshysy óziniń barlyq úndeýlerinde óskeleń urpaqty tárbıeleýge jáne ony qalyptastyrýǵa basa nazar aýdaratynyn tilge tıek etti.
«Bizdiń ata-analarymyz ótken kúndi umytpaı keledi. Biraq, jańa tehnologııalarǵa áýestengen búgingi jastar, memleketimizdiń bolashaǵyn qalyptastyrýǵa úles qosqan uly babalarymyzdy umytyp ketip jatady. Elbasy óz maqalasynda atap ótkendeı, sońǵy on jyl ishindegi tarıhı jańalyqtar ata-babalarymyz óz dáýirindegi zamanaýı tehnologııalyq jańartýlarmen úzdiksiz baılanysta bolǵanyn dáleldep otyr. Bul jahandyq tarıhtaǵy Uly dalanyń ornyna jańa kózqaraspen qaraýǵa múmkindik beredi. Sondaı-aq ol kóptegen túrli ulys ókilderi ortaq tarıhymyzǵa úles qosqanyn eske salyp otyr», - dedi Artýr Kotenev.
Máslıhat depýtaty Prezıdenttiń óskeleń urpaq tarıhtaǵy qaıǵyly jáne dramalyq sátterdi bolashaqta qaıtalamas úshin, olardy umytpaý kerektigi týraly aıtqan sózine nazar aýdardy.
«Halqymyzdyń jetken jetistikterine qarap, alǵa qaraı jyljımyz. Jastar óz memleketiniń tarıhyn bilmeı, bolashaǵyn qalyptastyra almaıdy. Jas urpaq tarıhta óz izin qaldyrǵan tulǵalardy bilýi tıis. Memleket basshysy atap ótken barlyq jobalarǵa qatysyp, maqaladaǵy máselelerdi sheshýge úlesterin qosýy qajet. Qazaqstan Prezıdenti jumysymyzǵa baǵyt berýi tıis basymdyqtardy kezekti ret anyqtap berdi. Bul, Uly dalanyń tarıhy, bizdiń tarıhı jáne mádenı qundylyqtarymyzdy tek qazaqstandyqtar ǵana emes, búkil álem bilsin degen maqsatta jasalýda», - dep túıindedi depýtat.