Jastar shyǵarmashylyǵynyń «Shabyt» XIV halyqaralyq festıvaliniń qazylar alqasy baspasóz máslıhatyn ótkizedi
ASTANA. 1 qarasha. QazAqparat /Gúlmıra Alıakparova/ - 3 qarasha kúni Astanadaǵy Beıbitshilik jáne kelisim saraıynda jastar shyǵarmashylyǵynyń «Shabyt» XIV halyqaralyq festıvaline arnalǵan baspasóz máslıhaty ótedi.
Baspasóz máslıhatyna qatysýshylardyń arasynda Qazaqstannyń Halyq ártisteri Farıza Ońǵarsynova jáne Qaırat Baıbosynov, Chezar Polınnı atyndaǵy Padýan konservatorııasynyń professory (Italııa) Perlýıdjı Destra, Blýmenaý úrmeli orkestriniń bas dırıjeri (Brazılııa) Danıel Bortolossı jáne taǵy basqalar bar.
Osymen 14-inshi ret shymyldyǵyn ashqaly otyrǵan festıval taıaý jáne alys shet elderden kezekti ret talapty da talantty jastardy óz sahnasyna jınaıdy. Bıylǵy baıqaý 6 atalym boıynsha ótedi - «Úzdik ádebı shyǵarma», «Beıneleý óneri», «Estrada janry», «Halyq ánderi», «Klassıkalyq ánder» jáne «Baıan-akkardeon».
Olardyń shyǵarmashylyqtaryn qazylar alqasynyń músheleri: elimizge tanymal belgili qoǵam qaıratkerleri men óner, mádenıet salasynyń maıtalmandary baǵalaıtyn bolady.
Qazylardyń sheshimimen eń daryndy dep tanylǵan qatysýshy Qazaqstan Respýblıkasy Prezıdentiniń Kýbogyn alady. Odan keıin bas júlde ıegeri anyqtalady; arnaıy 3 syılyq - «Laýreat» ataǵy, «Shabyt» medali jáne «Shabyt» ústel medali taǵaıyndalady; Qazaqstannyń mádenıet jáne óner qaıratkerleriniń ataýly dıplomdary men syılyqtary, «Dıplomant» ataǵyn beretin dıplomdar, eń belsendi qatysýshylarǵa maqtaý qaǵazdary, jeke-jeke atalymdar boıynsha arnaıy dıplomdar men syılyqtar tapsyrylatyn bolady.
