Jastar saıası úrdiske tartylýy tıis - QR OSK tóraǵasy

KÓKShETAÝ. QazAqparat – Aqmola oblysyna jumys saparymen kelgen QR Ortalyq saılaý komıssııasynyń tóraǵasy Nurlan Ábdirov óńirdiń belsendi jastarymen kezdesti, dep habarlaıdy QazAqparat tilshisi.

Sh.Ýálıhanov atyndaǵy Kókshetaý ýnıversıtetiniń qabyrǵasynda ótken kezdesýde jastardyń elektoraldyq mádenıetin arttyrý, elektrondyq daýys berýdi engizý, aldaǵy elektoraldyq úrdisterge jastardyń qyzyǵýshylyǵyn qamtamasyz etý sııaqty birqatar usynys jasaldy. Stýdentter aýyl ákimderin saılaýda barlyq kandıdattardyń qatysýymen pikirsaıys ótkizip, OSK-nyń shaǵymdar men usynystardy qaraý rásimderi týraly habarlaý qajettigin atap ótti.

«Búgin bolashaq jastardyń qolynda dep senimmen aıtýǵa bolady. «Jańa Qazaqstandy» quratyn sizder. Árıne, saılaý arqyly kóptegen máseleler sheshiledi, elimizdiń taǵdyry sizderge baılanysty bolady. Bul Prezıdent saılaýy, Parlament jáne ár deńgeıdegi máslıhattar depýtattarynyń saılaýy, sondaı-aq ákimder saılaýy. ıAǵnı, jastar saıası úrdiske tartylyp, onyń bolashaǵy Qazaqstanda ótip jatqan ashyq jáne adal saılaý arqyly júzege asýy tıis ekenin naqty túsinýi tıis», - dep atap ótti Nurlan Ábdirov.

Kezdesýdi qorytyndylaı kele, QR OSK tóraǵasy jastardy saılaý úrdisiniń belsendi qatysýshylary bolýǵa, bul rette saılaýshy retinde ǵana emes, volonterlik qyzmetke de qatysýǵa jáne saılaýdy baıqaýǵa qatysýǵa shaqyrdy.

Eske sala ketsek, buǵan deıin QR OSK tóraǵasy saılaý úrdisi máseleleri boıynsha óńir jurtshylyǵymen kezdesý ótkizgen bolatyn.