Jastar saıasatyn qamtyǵan zań jobasyn júzege asyrýǵa 2 mlrd. 140 mln. teńge qajet

Bul týraly búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine memlekettik jastar saıasaty máseleleri boıynsha ózgerister men tolyqtyrýlar engizý týraly» zań jobasynyń   tanystyrylymy barysynda Bilim jáne ǵylym mınıstriniń orynbasary Mahmetǵalı Sarybekov málim etti.

Mınıstr orynbasarynyń aıtýynsha, qazirdiń ózinde zań jobasynyń keıbir normalary úshin qarjy qamtamasyz etilgen. «Atap aıtqanda, jastardyń jumysqa ornalasýyna járdemdesýge baǵyttalǵan jastar tájirıbesi jobasy 3 mlrd. 200 mln. teńgeni quraıdy. «Dıplommen aýylǵa» jobasy boıynsha 2433 mamanǵa 5 mlrd. 905 mln. teńge baspana alýǵa nesıe retinde beriledi, sondaı-aq 5474 mamanǵa kóterme aqy josparlanady. Buny qarjylandyrý 1 mlrd. 41 mln. teńgeni quraıdy», - deıdi M. Sarybekov.

Onyń aıtýynsha, joǵaryda kórsetilgennen bólek  bilim alýǵa arnalǵan granttardyń qarjylandyrý kólemi kelesi jylǵa 50 mlrd. 999 mln. teńgeni quraıtyn bolady. Al grant ıelerine stıpendııa taǵaıyndaý 24 mlrd. 335 mln. teńge shamasynda belgilenip otyr. Al jastar saıasaty jáne patrıotttyq tárbıe boıynsha is-sharalardy ótkizýdi qarjylandyrý 1 mlrd. 59 mln. teńgeni quraıdy. 

Al talqylanyp otyrǵan zań jobasyn júzege asyrý úshin  2012-2014 jyldar aralyǵynda 2 mlrd. 140 mln. teńgeden astam qarajat qajet etiletin bolady.