Jastar saıasaty salasynda ekpin qoıylatyn baǵyttardy ózgertý kerek - Andreı Chebotarev
«Qańtar oqıǵasy kórsetkendeı, Almatyda sherýge kóbine jastar shyqty. Osy oraıda bul oqıǵalardyń kýágeri bolǵan áriptesterimmen, qoǵam ókilderimen pikir almastym. Narazylyq pen tártipsizdikke qatysqandardyń ortasha jasy negizinen biz talqylap jatqan sanattaǵy adamdar. Degenmen olardyń arasynda NEET sanatyndaǵy jastar ǵana emes, bilimi men biliktiligi bar jastar da bolýy múmkin. Elimizde dıplomdary bar jastar óte kóp. ıAǵnı, olar bilim almaǵan jastar ǵana emes, sonymen qatar kolledj, joǵary oqý oryndarynyń dıplomdaryn alǵan, biraq jumysqa ornalaspaǵan. Múmkindigi barlardyń elden qonys aýdaratyny ókinishti jaǵdaı. Al mundaı múmkindigi joqtar negizinen aýyldy jerlerden, depressıvti óńirlerden megapolısterge, onyń ishinde Almaty, Nur-Sultan, Shymken sııaqty qalalarǵa qonys aýdarady. Biraq bul jaǵdaı tyǵyryqtan shyǵara almady. Biz Shymkentte de ahýaldyń turaqsyzdanǵanyn kórdik», - dedi Andreı Chebotarev «NEET sanatyndaǵy jastar: áleýmettený máseleleri men olardy sheshý joldary» taqyrybynda ótken otyrysta.
Sarapshynyń aıtýynsha, elde birazdan beri elde jastar saıasatynyń bolýyna qatysty pikirtalas júrip jatyr.
«Bireýleri kerek emes deıdi, sebebi damyǵan elderde mundaı túsinik joq ekenin aıtýda jáne ózin-ózi basqarý, qoǵamdyq uıymdar sekildi túrli qurylymdarǵa senim artý kerek dep sanaıdy. Táýelsizdik alǵanymyzǵa aıtarlyqtaı kóp ýaqyt ótpegenin eskersek, bizge memlekettik jastar saıasaty kerek dep paıymdaımyn. Alaıda bul salada qoıylatyn ekpinderdiń ornyn aýystyrǵan durys bolar. Osy oraıda taldamalyq baǵytty aıtarlyqtaı kúsheıtken jón», - dedi Andreı Chebotarev.
Pikirtalas barysynda QR Aqparat jáne qoǵamdyq damý mınıstrligi Jastar jáne otbasy isteri komıteti tóraǵasynyń orynbasary Qaırat Baımýldınov komıtet zertteý uıymdarymen birlese sarapshylyq ári azamattyq qoǵam ókilderimen dıalogty damytýdy jalǵastyratynyn atap ótti. Bul óz kezeginde jastardyń problemalaryn sheshý úshin keri baılanys ornatýǵa jáne qajetti qadamdardy ázirleýde mańyzdy. Sondyqtan aldaǵy ýaqytta da jastar saıasatyn damytýdyń jańa baǵyttaryn talqylaý boıynsha sarapshylyq kezdesýler men talqylaýlar jalǵasatyn bolady.
