Jastar saıasaty basqarmasynyń bastyǵy jastar saýalyna ınternet konferentsııada jaýap berip jatyr
ALMATY. Qyrkúıektiń 9-y. QazAqparat /Erbol Azanbek/ - Almaty qalasy ákiminiń jeke saıtynda qalalyq Jastar saıasaty basqarmasynyń bastyǵy Baqtııar Mákenniń qatysýymen «Jastar saıasaty: problemalar men perspektıvalar» dep atalatyn ınternet- konferentsııa ótip jatyr,
dep habarlaıdy QazAqparat.
Qazirge deıin jastar tarapynan 15 suraq túsip, jaýap berildi. Eń alǵashqy saýal memlekettik tildiń máselesi boldy. Sondaı-aq qoǵamdyq kóliktegi stýdentterge arnalǵan jeńildik, Jastar saıasaty týraly zań, qaladaǵy jastar uıymdarynyń jumysy, jastardyń jumysqa ornalasýy týraly suraqtar bar. Konferentsııany uıymdastyrýshylardyń aıtýynsha, sharanyń basty maqsaty jastardyń kóńilinde júrgen saýaldarǵa jaýap berý. www.almaty.kz saıtynda ótip jatqan konferentsııaǵa kez-kelgen adam qatysyp saýal qoıa alady. Suraqtar tek Almaty qalasy men ondaǵy jastar máselesine qatysty bolýy tıis.
