Jastar referendým ótkizýdi qoldaý maqsatynda tanymal áleýmettik jelilerde suhbat alańyn ashty
ASTANA. 30 jeltoqsan. QazAqparat /Marlan Jıembaı/ - «Nur Otan» Halyqtyq demokratııalyq partııasynyń «Jas Otan» jastar qanaty QR Tuńǵysh Prezıdenti N.Nazarbaevtiń ókilettiligin 2020 jylǵa deıin uzartý týraly referendým ótkizýdi qoldaý maqsatynda tanymal áleýmettik jelilerde suhbat alańyn ashty.
Osyǵan oraı búgin elordada baspasóz máslıhaty ótip, onda sóz alǵan «Jas Otan» JQ-nyń Atqarýshy hatshysy Nurlan Óteshev: «Jas Otan» jastar qanatynyń forýmynda jáne «Moı Mır», «V kontakte», Facebook syndy birneshe áleýmettik jelide «Biz qoldaımyz!» degen taqyryppen referendýmdy jaqtap daýys bere alatyn azamattarǵa múmkindik jasap otyrmyz», - dedi.
Al Qazaqstan jastar kongresi atqarýshy dırektorynyń mindetin atqarýshy Shahmardan Baımanovtyń atap ótýinshe, atalǵan saıttardy paıdalanýshylar referendým ótkizýdi qoldaý úshin óz pikirlerin qaldyryp, oılarymyn bólisýge múmkindigi bar.
«Biz dál osyndaı tásil jastarymyzdyń pikirin, kózqarasyn bilýdiń tıimdi joly dep esepteımiz. Ol resmı kezdesýler, dóńgelek ústel syndy sharalarǵa qaraǵanda jastardyń erkin ári ashyq óz pikirlerin qaldyrýǵa múmkindik beredi», - dedi ol.
