Jastar praktıkasy baǵdarlamasyna qatysatyn almatylyqtarǵa 69 450 teńge tólenedi

ALMATY. QazAqparat – Jastar praktıkasy baǵdarlamasyna qatysatyn almatylyqtarǵa 69 450 teńge tólenedi. Bul týraly Almaty qalasy halyqty jumyspen qamtý ortalyǵynyń dırektory Dılıara Imanqulova onlaın brıfıng barysynda málim etti, dep habarlaıdy QazAqparat tilshisi.

Onyń aıtýynsha, jastardy turaqty jumysqa ornalastyrý úshin «Eńbek» baǵdarlamasy aıasynda jastar praktıkasyn júzege asyrý qolǵa alyndy.

«Bıyl biz jastar praktıkasyna 1618 adamdy jiberýdi josparlap otyrmyz. Qazirdiń ózinde 142 adam osy baǵdarlama boıynsha jumys istep jatyr. Tájirıbeniń uzaqtyǵy - alty aı. Jastar praktıkasyna qatysýshylardyń jalaqysyn tóleýge bıýdjetten 25 AEK mólsherinde qarajat bólindi (1 sáýirden bastap bul soma 69 450 teńge)»,– deıdi Dılıara Imanqulova.

Sonymen qatar, ol «Eńbek» baǵdarlamasy boıynsha jumyssyz jastar Almaty kolledjderinde kásibı qaıta daıarlaý kýrstarynan óte alatynyn aıtty.

« Kásiptik bilimi joq jáne oqý oryndaryna túse almaǵan mektep túlekterine, jumys izdeýshilerge, az qamtamasyz etilgen nemese kópbalaly otbasylarǵa basymdyq beriledi. Oqý barysynda stýdentterge stıpendııa, bir rettik ystyq tamaq uıymdastyrylǵan. Bıyl oqýǵa 2500 adam qabyldanady»,– deıdi ortalyq dırektory.