«Jastar.Pavlodar.kz» forýmynda jańa jobalar tanystyryldy
PAVLODAR. QazAqparat - Búgin «Jastar.Pavlodar.kz» oblystyq forýmyna stýdentter men jumysshylar, muǵalimder, dárigerler, polıtsııa men sportshylar, Astana jáne el óńirlerinen kelgen qonaqtar jınaldy.
Sharaǵa 900-ge jýyq adam qatysty.
Forýmda jastardyń bos ýaqytyn qyzyqty ótkizýge septigin tıgizetin portal jáne uıaly qosymsha (kino.kz saıty negizinde) tanystyryldy. Onda aqyly jáne tegin is-sharalardyń ótetin ýaqyty men orny kórsetiledi.
Forýmda Táýelsiz Qazaqstannyń qurdastary jaıly kitap jurtshylyqtyń nazaryna usynyldy. Onda úlken tabysqa qol jetkizip, óńirdiń damýyna úles qosyp júrgen 25 jastaǵy azamattar týraly jazylǵan. Albom paraqtarynda eń úzdik táýelsizdik qurdastarynyń 50 portreti jáne olardyń qol jetkizgen jetistikteri jaıly aqparat bar. Kitap-albomdy jastar oblys ákimi Bolat Baqaýovqa syılady.
Forýmda eń talantty jastarǵa oblys ákiminiń orynbasary Meıram Bógentaev syılyqtar men marapattar tabys etti.
