«Jastar – Otanǵa!» baǵdarlamasy aıasynda jol kartasy bekitildi
«Tuńǵysh Prezıdent – Elbasy, «Nur Otan» partııasynyń Kóshbasshysy «el men ulttyń bolashaǵy jastarǵa tikeleı baılanysty» ekendigin únemi aıtyp keledi. Dál osyǵan oraı «Nur Otan» partııasy elimizdiń jas býynyna erekshe nazar aýdarady. Partııa qurylǵannan keıingi alǵashqy jyly-aq «Jas Otan» jastar qanaty uıymdastyryldy. Qazir ol 20 jyldyq tarıhyndaǵy elimizdegi eń iri jastar uıymy sanalady. Búginde «Jas Otan» qataryndaǵy jas patrıottardyń sany 100 myńnan asyp jyǵylady. Qazaqstannyń barlyq 17 óńirinde fılıaldary men bólimsheleri jumys isteıdi», - dedi ol.
Baýyrjan Baıbek osydan bir apta buryn partııanyń Saıası keńesi bıýrosy 2025 jylǵa deıingi «Jastar – Otanǵa!» baǵdarlamasyn júzege asyrý jónindegi jol kartasyn bekitkendigin atap ótti.
«Dál osyndaı jol kartalaryn «Nur Otan» partııasy óńirlik fılıaldarynyń bıýrolary da bekitti. Onda azamattyq belsendilik, sapaly bilim, eńbekpen qamtý, jas otbasylardy qoldaý jáne baspanamen qamtý, tulǵalyq damý men bos ýaqytty uıymdastyrý máselelerine qatysty 5 negizgi baǵyt qamtylǵan. ıAǵnı, qazirgi jastardy tolǵandyratyn máselelerdiń bári qarastyrylǵan. Búginde elimizdiń barlyq óńirindegi jergilikti ókildik organdarda otyrǵan 616 jas depýtatymyz bul máselelerdi baqylaýda ustap, halyqpen jumys isteý arqyly belgilengen josparǵa qol jetkizedi dep úmittemiz», - dedi Baýyrjan Baıbek.
