Jastar máslıhatyna úmitker azamattarǵa elektrondy saılaý arqyly daýys beriledi
TANA. 15 qyrkúıek. QazAqparat /Arman Asqarov/ - Búginde Pavlodar oblysy boıynsha 20 qyrkúıek kúni ótetin Jastar máslıhatyna úmitkerlerdi saılaý barysynda www.umitker.kz veb-portaly arqyly daýys beriledi.
Bul týraly búgin QR Ortalyq saılaý komıssııasynda ótken www.umitker.kz saıtyn tanystyrý kezinde Pavlodar óńirlik basqarý mektebiniń dırektory Gúlnar Isenova málim etti.
Onyń habarlaýynsha, búginde elektrondy saılaý aıasynda 9 myń daýys berýshi azamattarǵa arnaıy PIN-kodtar berildi. Olar Jastar máslıhatyna saılanatyn 27 úmitker úshin daýys bermek. «Bul kandıdattar Pavlodar oblysynyń 7 aýdanyn, sondaı-aq Pavlodar, Aqsý jáne Ekibastuz qalalarynan saılaý báskekesine túsip otyr. Eger osy jolǵy Jastar máslıhatyna úmitkerlerdi saılaýdy kózdeıtin ilgi joba oıdaǵydaı júzege asatyn bolsa, kelesi jyly biz Jastar parlamentine de úmitkerlerdi elektrondy daýys berý arqyly saılatyn bolamyz», - deıdi G.Isenova.
