Jastar máselesine arnalǵan tuńǵysh oqýlyq jaryq kórdi
ASTANA. 2 qarasha. QazAqparat /Arman Asqarov/ - Búgin Astanadaǵy QR Ulttyq akademııalyq kitaphanasynda joǵary oqý oryndaryna arnalǵan qazaq tilindegi «ıÝvenologııa» oqýlyǵynyń tanystyrylymy boldy.
«ıÝvenologııa», ıaǵnı «jastar týraly bilim-ǵylym» máselesine arnalǵan oqýlyq TMD boıynsha alǵash ret jaryq kórip otyr. Onyń orys tilindegi nusqasy 2008 jyly basylsa, qazaq tilindegi aýdarmasy bıyl «Folıant» baspasynan «Joǵary bilim» serııasymen jaryqqa shyǵaryldy.
Avtorlyq ujymnyń jetekshisi, professor Nurlan Dýlatbekovtyń aıtýynsha, búginde Reseı, Ýkraına jáne basqa birqatar TMD elderi atalǵan oqýlyqtyń orys tilindegi nusqasyna qosymsha tapsyrys berip otyr.
«Endi, mine, osy úlken ǵylymı eńbektiń qazaq tilindegi oqýlyǵy jaryqqa shyqty. Bul oqýlyq bas kezinde oqý quraly retinde shyǵady degen oı bolǵan. Biraq osy ǵylymı eńbekti jazý kezinde biz jastar máselesiniń zań aspektileri aıasynan shyǵyp, áleýmettik-psıhologııalyq jáne mádenı-rýhanı alǵysharttaryn jan-jaqty ashyp berdik. Osynyń nátıjesinde jastar máselesine arnalǵan tolymdy oqýlyq dúnıege keldi. Ol, árıne, «Bolashaq» ýnıversıtinde qyzmet etip júrgen ǵalymdardyń úlken eńbegi dep bilemiz», - deıdi professor N.Dýlatbekov.
