Jastar komandalary arasyndaǵy XV Azııa chempıonatynda qazaqstandyq voleıbolshy qyzdar 6-shy oryn aldy
ALMATY. Qyrkúıektiń 21-i. QazAqparat /Erlik Erjanuly/ - Keshe Vetnam eliniń Hoshımın qalasynda voleıboldan jastar komandalary arasyndaǵy XV Azııa chempıonaty óz máresinen jetti,
dep habarlaıdy QazAqparat.
Qyrkúıektiń 12-si kúni jalaýyn kótergen bul dodaǵa Azııanyń 15 elinen komandalar qatysqan bolatyn. Lıýdmıla Perevertova men Anatolıı Dıachenkonyń tálimgerlerin úzdik bestiktiń qataryna ený múmkindiginen Taıpeı quramasy aıyrdy. Olar 1-8 oryn úshin bolǵan tartysta alǵashqy jáne sońǵy oıynyn taıpeıliktermen ótkizip, ekeýinde 0:3 esebimen utylys tapty.
Jalpy chempıonattyń aqtyq kezdesýde barlyq oıyn osyndaı eseppen aıaqtaldy. Máselen koreıalyqtardy tize búktirgen Qytaı quramasy Azııa chempıony atansa, taılandtyqtardy qapy qaldyrǵan japondyqtar úshinshi orynǵa ıe boldy. Al toptyq kezdesýde qarsylas shaq keltirmegen qazaqstandyqtar 6-shy ornydy qanaǵat tutty. Odan keıingi 7-15 oryndardy Indonezııa, Vetnam, Iran, Úndistan, Avstralııa, Jańa Zelandııa, Fıdjı, Gonkong jáne Shrı-Lanka sportshylary ózara bólisti.
