Jastar komandalary arasyndaǵy Azııa chempıonatynda qazaqstandyq qyzdar úzdik bestiktiń qataryna ený úshin Taıpeı quramasymen synǵa túsedi
ALMATY. Qyrkúıektiń 20-sy. QazAqparat /Erlik Erjanuly/ - Búgin Vetnamda ótip jatqan jastar komandalary arasyndaǵy XV Azııa chempıonatynda qazaqstandyq qyzdar 5 oryn úshin Taıpeı quramasymen saıysqa túsedi.
Qyrkúıektiń 12-si kúni Hoshımın qalasynda jalaýyn kótergen bul dodada Lıýdmıla Perevertova men Anatolıı Dıachenkonyń tálimgerleri toptyq kezeńde úzdik shyqqan bolatyn. Alaıda 1-8 oryn úshin bolyp jatqan synda qatarynan úsh oıynda Taıpeı, Taıland jáne Qytaı quramalaryna (3:0) utylyp, tek keshe ındonezııalyqtardan ǵana 1:3 esebimen basym tústi. Sonyń nátıjesinde endi olar 5-6 oryn úshin taıpeıliktermen qaıta kezdeskeli otyr. Taıpeı quramasy keshegi oıynda Koreıadan oısyraı utylǵan bolatyn. Búgin aqtyq oıynda Qytaı men Koreıa Azııa chempıonaty ataǵy úshin, Taıland pen Japonııa 3-shi oryn, al Indonezııa men Vetnam 7-shi oryn úshin talasady.
