Jastar komandalary arasyndaǵy Azııa chempıonatynda qazaqstandyq qyzdar óz tobynda úzdik shyqty
ALMATY. Qyrkúıektiń 16-sy. QazAqparat /Erlik Erjanuly/ - Keshe voleıboldan Vetnam elindegi jastar komandalary arasyndaǵy XV Azııa chempıonatynda qazaqstandyq qyzdar 1-8 oryndar úshin ótip jatqan saıystaǵy alǵashqy synda Taıpeı quramasyna ese jiberdi, dep habarlaıdy QazAqparat QR Voleıbol federatsııasyna silteme jasap.
Hoshımın qalasyndaǵy bul dúbirli doda qyrkúıektiń 12-si kúni bastalǵan bolatyn. Toptyq kezeńde Jańa Zelandııa men Vetnam quramalaryn oısyrata jeńgen qazaqstandyq voleıbolshylar 1-8 oryndar úshin ótip jatqan synda taıpeılikterge 0:3 (13:25,22:25,19:25) esebimen jeńilis tapty. Lıýdmıla Perevertova men Anatolıı Dıachenkonyń tálimgerleri búgin Taıland quramasymen saıysqa túsedi. Olardyń bul jolǵy qarsylastary da keshe jarys qojaıyndaryn 3:0 esebimen utqan bolatyn.
