Jastar «Qazaqstannyń el birligi doktrınasy» jobasyna óz usynymdaryn berýi tıis - Jastar kongresi
ASTANA. Qarashanyń 20sy. QazAqparat /Quralaı Orynbekqyzy/ - Respýblıka jastary «Qazaqstannyń el birligi doktrınasy» jobasyna óz usynymdaryn berýi tıis.
Bul týraly búgin «Jastardyń kelisim alańy» taqyrybynda ótken dóńgelek ústel barysynda Qazaqstan jastary kongresiniń atqarýshy dırektory Nurlan Sydyqov aıtty, dep habarlaıdy QazAqparat tilshisi.
«Elbasy Qazaqstan halqy Assambleıasynyń 15-shi sessııasynda jurtshylyq aldyna talqylaýǵa «Qazaqstannyń el birligi doktrınasy» jobasyn usyndy. Osy oraıda, biz jastar doktrınanyń jobasyn talqylap, oǵan óz usynymdaryn berýi tıis dep sanaımyz», - dedi N.Sydyqov.
Onyń aıtýynsha, mundaı basqosýlar Qyzylorda, Aqtóbe oblystarynda uıymdastyrylǵan. Atalmysh is-sharanyń negizgi maqsaty - Qazaqstan jastary kongresi men etnomádenı birlestikteriniń ózara is-árekettesýin nyǵaıtý.
