«Jastar Qazaqstan halqynyń birligi úshin» atty forýmǵa qatysýshylar úndeý joldady
áýirdiń 28-i. QazAqparat /Qanat Mámetqazyuly/ - Búgin elordada «Jastar Qazaqstan halqynyń birligi úshin» atty jalpyulttyq forýmǵa qatysýshylar el jastaryna arnap úndeý jarııalady,
dep habarlaıdy QazAqparat.
«Elimizde jastardyń óz qabiletterin shyńdýǵa, arman-maqsattaryn iske asyrýǵa barlyq jaǵdaı jasalǵan. Memleket tarapynan jasalyp otyrǵan bul ıgilikter - bizdiń erteńgi kúngi jarqyn ári jasampaz isterimizge negiz qalaýda. Biz - jastar, Qazaqstandy HHІ asyrda gúldengen, irgesi berik, álemdik qaýymdastyqtaǵy mártebeli memleketke aınaldyrýǵa baǵyttalǵan Elbasy saıasatyn maqtanysh tutamyz. Aldymyzda tarıhı mańyzdy zor oqıǵa - Táýelsizdiktiń 20 jyldyǵy kele jatyr. Bul aıtýly beles bizdiń urpaqqa úlken jaýapkershilik júkteıdi», delingen úndeýde.
Sonymen birge, jastar úndeý arqyly tól mádenıet pen memlekettik tildiń órkendeýine, elimizdi mekendegen barlyq etnostardyń salt-dástúriniń saqtalýyna kúsh salatyndyqtaryn málimdeıdi. «Biz qoǵam damýynyń berik irgetasyna aınalǵan respýblıkamyzdaǵy - etnosaralyq kelisimdi, tatýlyq pen birlikti nyǵaıta beremiz. Bizdiń jastyq jigerimiz ben eseli eńbegimiz basty qundylyǵymyz - Táýelsiz Qazaqstannyń damýyna baǵyttalatyn bolady», delingen úndeýde.
