Jastar kásipkerligin qoldaý: Qaraǵandy oblysy ákiminiń grantyna ótinimder qabyldanýda

QARAǴANDY. QazAqparat – Jastar kásipkerligin damytý men qoldaýǵa baǵyttalǵan Qaraǵandy oblysy ákiminiń granttar konkýrsyna ótinimder qabyldaý júrip jatyr. Ótinimder 10 qazan saǵat 18:00-ge deıin qabyldanady, dep habarlaıdy QazAqparat tilshisi.

Konkýrsqa 18-28 jas aralyǵyndaǵy Qaraǵandy oblysynyń turǵyndary qatysa alady.

Qajetti qujattar:

- jeke basyn kýálandyratyn qujattyń kóshirmesi;

- jobanyń bıznes-jospary;

- sońǵy 36 aıda «Bastaý Bıznes» jobasy boıynsha kásipkerlik negizderine oqytý kýrsynan ótkenin rastaıtyn qujattyń kóshirmesi;

- sońǵy 36 aıda bıznes-jobany iske asyrý úshin qajetti kásiptik daǵdylar men quzyretter boıynsha oqytýdan, biliktiligin arttyrýdan ótkenin rastaıtyn qujattyń (sertıfıkat, dıplom) kóshirmesi;

- qatysýshynyń ázirlemege (ónertabysqa, paıdaly modelge, ónerkásiptik úlgige) quqyǵyn rastaıtyn qujatynyń kóshirmesi (patent, kýálik);

- aǵymdaǵy banktik shotta qarajattyń bolýy týraly anyqtama;

- bıznes-jospar jobasynda paıdalanylatyn jyljymaly jáne jyljymaıtyn múlikke jeke menshikti rastaıtyn qujattardyń kóshirmesi ne jalǵa alý shartynyń kóshirmesi;

- sońǵy 6 aıdaǵy jeke zeınetaqy shotynan úzindi kóshirme;

- oqýdy rastaý týraly oqý ornynan anyqtama;

- jeke kásipker retinde memlekettik tirkeý týraly kýáliktiń kóshirmesi;

- jeke kásipkerdiń aǵymdaǵy banktik shotynyń bolýy týraly anyqtama;

- bankte nesıelik bereshektiń bar (joq) ekendigi týraly anyqtama;

- jeke kásipkerdiń salyq beresheginiń, mindetti zeınetaqy jarnalary, áleýmettik aýdarymdar boıynsha beresheginiń joq (bar) ekendigi týraly anyqtama.

Ótinim men qujattar [e-mail] poshtasyna bir pdf faıly retinde qabyldanady.

Konkýrs týraly tolyq aqparatty myna silteme boıynsha alýǵa bolady: https://t.me/akimgranty09 nemese 8-778-630-73-97, 8-771-365-99-13 jáne 8-701-122-24-63 (WhatsApp, Telegram) nómirleri boıynsha.