Jastar kásipkerligi jumyssyzdyqty joıýǵa septigin tıgizedi
«Jumyspen qamtamasyz etý bizdiń negizgi mindetimiz sanalady. Biz málimetter bazasyn yqpaldastyrdyq. Esterińizde bolsa, barlyq stýdentterden jumysqa ornalasqany týraly anyqtama suralatyn. Bul jalǵan edi. Endi bul jalǵan emes. Eki málimetter bazasy yqpaldastyrylǵan jáne biz áleýmettik tólemderge sáıkes onyń jumysqa ornalasqanyn ne ornalaspaǵandyǵyn kórip otyramyz. Barlyq túlekterdiń 63 paıyzy jumys isteıdi. Aldaǵy ýaqytta munyń arta túserine úmittenip otyrmyz», - dedi ol.
Juldyz Omarbekovanyń atap ótýinshe, Qazaqstanda jumyssyzdyq deńgeıi óte tómen.
«Qazaqstanda jumyssyzdyq joq degende kópshiligi «men she, jumssyz júrmin ǵoı» dep kúledi. Negizinde Qazaqstanda jumyssyzdyq joq. ıAǵnı, Almaty naryǵynda bar mamandyqtardyń ózinde jastar arasyndaǵy jumyssyzdyq 6,4 paıyzdy quraıdy. Alaıda, ol jerde 12 myń bos jumys orny tirkelse, jumyssyz retinde tirkelgenderdiń sany 11 myń adamǵa jetip otyr. Demek bos jumys orny jumyssyzdardan kóp degen sóz jáne bul basty problema bolyp tur. Eńbek naryǵy usynatyn jumystardyń jalaqysy tómen bolǵandyqtar oǵan jastar barmaıdy. Problemany sheshý kilti - bul jastar kásipkerligi», - dedi vıtse-mınıstr.
Osy oraıda ol 2019 jyly óz bınesin bastaýǵa beriletin granttardyń sany artqandyǵyn aıtty.
«Bul - jas ǵalymdarǵa arnalǵan ǵylymı granttar, sonymen qatar Eńbek jáne halyqty áleýmettik qorǵaý mınıstrligi tarapynan árbir azamattyń óz isin ashýy úshin kásipkerlik salasyna bólinetin granttar. Sonymen qatar belsendi jastarǵa bıyl Azamattyq bastamalardy qoldaý ortalyǵy aıasynda shamamen 2 mlrd teńge bólinip otyr. Sondyqtan jastardy barlyq memlekettik baǵdarlamalarǵa belsendi qatysýǵa shaqyramyn», - dedi J.Omarbekova.
