Jastar qandaı jaǵdaıda prezıdenttik kadr rezervinen shyǵarylady

ASTANA. QazAqparat – Memlekettik qyzmet isteri agenttiginiń tóraǵasy Darhan Jazyqbaev iriktelgen jastardyń qandaı jaǵdaıda prezıdenttik kadr rezervinen shyǵarylatynyn aıtty, dep habarlaıdy QazAqparat tilshisi.

«Agenttik prezıdenttik jastar kadrlyq rezervin jetildirý jumysyn únemi júrgizip keledi. Aıtalyq, jeltoqsanda rezervten shyǵarý tártibin qarastyratyn jarlyq qabyldandy. Osylaısha, rezervten shyǵarý, ózge eldiń azamattyǵyn alý, azamattyǵyn joǵaltý jáne teris qylyqpen jumystan shyǵarylǵan kezde júzege asyrylady», - dedi Darhan Jazyqbaev elordada ótken brıfıng barysynda.

Onyń atap ótýinshe, elmizdiń barlyq óńirinde óńirlik jastar kadrlyq rezervi qurylǵan. Іrikteýge jasy 35-ten aspaǵan, joǵary bilimi jáne keminde 3 jyl jumys ótili bar jastar qatysa alady.

«Bul óńir jastary úshin áleýmettik lıfti bolady. Qazirgi ýaqytta zańǵa engizý jáne óńirlik rezervke qatysty túzetýlerdi uıymdastyrý jumysy pysyqtalyp jatyr», - dedi ol.

Foto: vostokmedia.com