Jastar kadrlyq rezervindegi 2 jas Májilis depýtaty boldy - Erlan Qarın

NUR-SULTAN. QazAqparat – Prezıdenttik jastar kadrlyq rezervine kirgen 2 jas «Nur Otan» partııasynan Májilis depýtaty boldy, dep habarlaıdy QazAqparat tilshisi.

«Nur Otan» partııasynan Májilis depýtattyǵyna kandıdat retinde Prezıdenttik jastar kadrlyq rezervine qatysýshy Tilektes Adambekov pen Zúlfııa Súleımenova usynyldy. Rezervshilerdiń Májilistiń jańa quramyna kirýi Prezıdenttik jastar kadrlyq rezervi jas kásibı mamandardy ilgeriletý jáne olardyń áleýmetin júzege asyrý úshin tıimdi áleýmettik lıftige aınalǵanyn taǵy da bir márte pash etedi», - dep jazdy Erlan Qarın Telegram-paraqshasynda.

Onyń atap ótýinshe, búginde Prezıdenttik jastar kadrlyq rezerviniń 300 ókiliniń 168-i memlekettik organdar men kvazımemlekettik kásiporyndarda túrli laýazymdarǵa jumysqa ornalasty.