«Jastar is-tájirıbesi», «Alǵashqy jumys orny» jobalaryna qatysýdyń merzimi uzartylyp, eńbekaqysy kóbeıtiledi

NUR-SULTAN. QazAqparat – Qasym-Jomart Toqaev «Jastar is-tájirıbesi», «Alǵashqy jumys orny» jobalaryna qatysýdyń merzimin uzartyp, eńbekaqysyn kóbeıtý múmkindikterin qarastyrýdy tapsyrdy, dep habarlaıdy QazAqparat tilshisi.

«Jumyssyzdyq deńgeıin túsirýge erekshe nazar aýdarý kerek. Ásirese jastar arasynda. Joǵary oqý oryndarynyń, kolledjderdiń túlekteri, ásirese, bilimi joq jastardyń turaqty jumysqa ornalasý múmkindigi árdaıym bola bermeıdi. Muny biz jaqsy bilemiz. Kezdeısoq nápaqamen kún kórip júr. Keıbireýleri tabys izdep júrip zańnan attap ketýi múmkin», - degen Memleket basshysy jastardyń bastamalaryna qoldaý bildirýdiń jańa tetikteri kerek ekenin atady.

«Úkimetke «Jastar is-tájirıbesi» jáne «Alǵashqy jumys orny» jobalaryna qatysýdyń merzimin sozyp, eńbekaqysyn kóterý múmkindigin qarastyrýdy tapsyramyn.

Halyqtyń áleýmettik osal tobyndaǵy jastardyń iskerlik bastalamalaryn iske asyrýǵa jaǵdaı jasaý mańyzdy», - dedi Prezıdent.

Eske salsaq, QR Prezıdenti Qasym-Jomart Toqaev Parlament Májilisiniń otyrysynda QR Premer-Mınıstri laýazymyna Álıhan Smaıylovtyń kandıdatýrasyn usynyp, ony Májilis qabyldady.

Prezıdent jýyqta Qazaqstandy saıası transformatsııalaý jónindegi jańa usynystaryn jarııalaıtynyn málim etken.

Sondaı-aq, ol 7 qańtarda halyqqa jasaǵan úndeýinde Úkimetke búgingi Májilis otyrysynda natqy tapsyrmalar beretinin aıtqan edi.

«Úkimet meniń 11 qańtarda Májiliste aıtatyn sózime qatysty naqty sheshimder qabyldaýy kerek», -degen Memleket basshysy.