«Jastar» ǵylymı-zertteý ortalyǵy tórt jańa jobany tanystyrdy
Onlaın májiliske QR Aqparat jáne qoǵamdyq damý mınıstrliginiń, aımaqtyq jastar resýrstyq ortalyǵynyń jáne «Jastar» ǴZO ókilderi qatysty.
Prezıdenttiń tapsyrmalary men sheshimderin talqylaǵan májiliske qatysýshylar biraýyzdan «Jańa jaǵdaıdaǵy Qazaqstan: is-qımyl kezeńi» Joldaýy elimizdiń ary qaraı damýyna, antıkrızıstik jaǵdaılardy der kezinde sheshýge, halyqtyń áleýmettik jaǵdaıyn jaqsartýǵa baǵyttalǵanyn jáne osy oraıda barlyq salany qamtyǵanyn aıtty.
Al QR Aqparat jáne qoǵamdyq damý mınıstrligi Jastar jáne otbasy jónindegi komıtettiń tóraǵasy Shahmardan Baımanovtyń pikirinshe, Prezıdent Joldaýyn tek barsha qazaqstandyqtar bolyp birlese jumylǵanda ǵana júzege asyrýǵa bolady.
«Joldaýda elimizdiń áleýmettik-ekonomıkalyq, saıası damýynyń barlyq aspektileri kórsetilgen. Joldaý basynda Prezıdent elimizdiń ekonomıkalyq damýy halyqtyń qoǵamdyq-saıası jańǵyrýyna tikeleı baılanysty ekendigin aıtty. Bul óte túıtkildi oı jáne mańyzdy baǵyt. Sondyqtan, Joldaýdyń tıimdi júzege asýy úshin birinshi kezekte barsha azamattardyń birligi men halyq sanasynyń jańǵyrýy qajet», - dedi Shahmardan Baımanov.
Aıta keteıik, onlaın májilisti Memleket basshysynyń Joldaýyn aımaqtyq jastar resýrstyq ortalyqtaryna túsindirý jumystaryn júrgizý maqsatynda «Jastar» ǴZO uıymdastyrdy. Osy oraıda «Jastar» ǵylymı- zertteý ortalyǵynyń dırektory Aıan Sakoshev jyldyń sońyna deıin júzege asýy tıis jańa jobalardy da tanystyrdy.
«Májilis barysynda 4 jańa jobany tanystyrdyq. Olar jaqyn kúnderi óz jumystaryn bastaıdy. Bul birinshi kezekte áleýmettik osal sanattaǵy jastarmen jumys jasaýǵa baǵyttalǵan jobalar. Pandemııaǵa baılanysty barlyq sharalar onlaın túrde júzege asatyn bolady. Bul úshin biz onlaın platformalardy jáne áleýmettik jelilerdi paıdalanamyz», - dedi Aıan Sakoshev.
«Jastarga – kenes», «Jastarga – bilim», «Jastarga – qyzmet», «Jastarga – jumys» jobalary qyrkúıek aıynyń ortasyna deıin óz jumysyn bastaıdy dep josparlanýda.
